Como participar

Poden participar en CinEd docentes e centros educativos, responsables de espazos culturais, salas de exhibición, entidades do ámbito educativo ou social, etc. A participación é gratuíta. Só é necesario seguir os seguintes pasos:

Rexistrarse na plataforma www.cined.eu: permite visionar as películas e acceder aos materiais pedagóxicos.
Recibirás un documento de condicións de participación e un formulario. É necesario completar o formulario, asinar o acordo aceptando as condicións e enviar ambos os documentos a cined@abaoaqu.org.
Unha vez recibidos os documentos, procederemos a darche de alta na plataforma e poderás acceder a todas as películas.

PROXECCIÓNS E TRABALLO POSTERIOR EN CLASE

Descubrir as películas da colección CinEd require proxeccións en boas condicións técnicas e de espazo (escuridade, calidade de imaxe e son, comodidade). Por iso é importante que os participantes atopen espazos de exhibición adecuados (salas de cinema, auditorios de centros culturais ou bibliotecas, etc.).

Se participades en CinEd como centro educativo...

O centro educativo será responsable de organizar as proxeccións nun espazo coas mellores condicións de visionamento posibles. En ningún caso faranse as proxeccións nunha aula ordinaria.
Deseñar a programación (preferentemente de maneira que cada grupo de alumnos vexa como mínimo dúas películas da colección).
Comunicar á organización de CinEd as sesións que realizaranse para que consten na web e formen parte así da memoria do proxecto.
Coñecer os materiais pedagóxicos dispoñibles na plataforma CinEd e preparar a introdución das películas que veranse co alumnado.
Publicar no Blogue CinEd ou enviar á organización do proxecto fotografías das sesións para que consten na memoria do proxecto.
Desenvolver o traballo posterior en clase a partir das propostas de análises e creación incluídas nos materiais pedagóxicos (propostas xerais e cadernos específicos sobre cada película).
Publicar no Blogue CinEd os textos, comentarios e prácticas creativas realizadas a partir do traballo sobre a película.

Se participades en CinEd como entidade, centro cultural, sala de exhibición...

A entidade será responsable da organización e coordinación das proxeccións. Ofrecerá e difundirá entre os centros educativos a programación CinEd, tendo en conta os requisitos que se detallan nas condicións de participación: o espazo para garantir unha boa proxección, os elementos gráficos de comunicación, etc.
Deseñar a programación (preferentemente de maneira que cada grupo de alumnos vexa como mínimo dúas películas da colección).
Comunicar á organización de CinEd as sesións que realizaranse para que consten na web e formen parte así da memoria do proxecto.
Asegurar que os centros educativos participantes se rexistren na plataforma www.cined.eu para que os docentes poidan visionar as películas antes da proxección se lles interesa e poidan revisionar fragmentos cos alumnos durante o traballo posterior á proxección.
Facilitar que o profesorado dos centros participantes dispoña dos materiais pedagóxicos e promover o traballo en clase despois das proxeccións.
Dinamizar as sesións presentando brevemente as películas antes da proxección, espertando o interese e a atención dos alumnos, e desenvolvendo un breve diálogo participativo posterior.
Comunicar á organización de CinEd as accións desenvolvidas para que poidan publicarse na web e moi especialmente, compartir o retorno por parte dos centros educativos para que podamos facer crecer o proxecto entre.
Motivar que os docentes publiquen no Blogue CinEd os textos, comentarios e prácticas creativas realizadas a partir do traballo sobre a película.

As sesións serán gratuítas. No suposto que a entidade organizadora necesite cobrar unha entrada para cubrir os gastos de proxección, o prezo da entrada por alumno nunca superará os 2,5€.